Landlausnir ehf. er söluaðili á Ecoraster jarðvegsgrindum sem er endingargóð og umhverfisvæn lausn sem hentar fjölbreyttri notkun, m.a. fyrir bílastæði, vegi, göngustíga, innkeyrslur, tjaldsvæði, hesthúsið, landbúnaðinn, og önnur yfirborð þar sem þörf er á styrkingu.

Ecoraster grindurnar eru framleiddar úr 100% endurunnu LDPE plasti meðal annars frá Íslandi (frá Terra sem sér um söfnun og endurvinnslu plasts) sem fær svo nýtt líf sem endingargóðar og umhverfisvænar yfirborðslausnir. LDPE plastið er öruggt fyrir notkun á viðkvæmum svæðum t.d. við vötn, á náttúruverndarsvæðum, á bújörðum, og í snertingu við fóður eða matvæli.

Jarðvegsgrindurnar eru hannaðar til að stuðla að náttúrulegu vatnsflæði. Þær viðhalda grunnvatnsstöðu, minnka hættu á vatnsrofi og koma í veg fyrir að lækir eða pollar myndist sem geta skemmt land eða aðstöðu. Þar sem grindurnar hleypa vatni í gegnum sig, er yfirleitt ekki þörf á frárennslislögnum eða umfangsmikilli jarðvinnu.
Grindurnar eru léttar, meðfærilegar og auðveldar í lagningu, og henta því bæði fagfólki og einstaklingum. Grindurnar þola allt að 20 tonna öxulþunga án fyllingar og má taka upp og leggja aftur á nýjum stað ef þess þarf, sem gerir þær að sveigjanlegri og hagkvæmri lausn til langs tíma.

Ecoraster hefur verið framleitt síðan 1994 og í notkun á Íslandi frá 2006. Varan nýtur 20 ára framleiðsluábyrgðar og hefur sannað gildi sitt í íslenskum aðstæðum, þar sem styrkur, sjálfbærni og veðurþol skipta öllu máli.

Ecoraster er traust, umhverfisvæn og sveigjanleg lausn fyrir nútímaleg verkefni þar sem náttúran fær að njóta sín, en yfirborðið helst stöðugt og endingargott.